Bardan çıxan gənclər qəza törətdi, ölənlər var - VİDEO

Türkiyədə dəhşətli yol qəzası baş verib. Metrobusla minik maşınının toqquşması nəticəsində 5 nəfər ölüb, 6 nəfər yaralanıb. Avtosfer.az-ın anspress-ə istinadən verdiyi məlumata görə, qəza İstanbulun Kadıköy adlanan ərazisində qeydə alınıb. Minik maşının sürücüsü Kadıköydə polis postundakı yoxlamadan qaçmaq istəyərkən içində sərnişinlər olan metrobusun yoluna çıxıb. Bu vaxt qəzadan qaçmaq istəyən metrobusun sürücüsü avtomobili yolun kənarına çəkmək istəyərkən dəmir arakəsmələrə girib. Elə bu zaman qarşıdan sürətlə gələn minik avtomobili metrobusla toqquşub.Qəza o qədər şiddətli olub ki, hər iki avtomobil bir müddət sürüşərək yoldan xeyli kənarda dayana biliblər.

Hadisə nəticəsində minik avtomobilində olan 6 nəfərdən 5-i qəza yerindəcə dünyasını dəyişib. Minik maşınında olan bir qadın, metrobusun sürücüsü və sərnişin daşıyan metrobusda olan 3 nəfər müxtəlif dərəcəli bədən xəsarətləri ilə xəstəxanalara çatdırılıblar.Əraziyə gələn Fövqaladə Hallar Nazirliyinin əməkdaşları tərəfindən cəsədlər avtomobildən çıxarılıb.

Polisin ilkin araşdırması zamanı Kadıköydə bir barda əylənən gənclərin polisə yaxalanmamaq üçün belə bir yola əl atdıqları müəyyən edilib.