Bir dəqiqədə 3 qayda pozaraq təhlükə yaradan sürücü - 10 NJ 646 - VİDEO

Bakıda qaydaları ardıcıl olaraq pozan, sürücülərə təhlükə yaradan avtomobil sürücüsü kameraya düşüb. Bu barədə Avtosfer.az-a oxuculardan biri video göndərib. Belə ki, 10 NJ 646 dövlət nömrə nişanlı, "Tofaş" markalı avtomobilin sürücüsü əvvəlcə manevr qaydalarını kobud şəkildə pozur. Ardınca əks istiqamətə çıxaraq qarşıdan gələn avtomobillərə təhlükə yaradır. Sonda isə sola dönmə edərkən sağdan gələn avtomobili buraxmır. 

Sürücünün bu cür nümayişkarə şəkildə qaydaları pozaraq təhlükə yaratmasının görüntülərini təqdim edirik. Ümid edirik ki, DYP bu barədə müvafiq tədbir görəcək. 

Fərid