Bir videoda 3 qayda pozuntusu, 1 ağır qəza – REAL VİDEO

Avosfer.az Bakıda baş vermiş yol qəzalarından daha birinin videosunu təqdim edir. Daxili İşlər Nazirliyinin (DİN) «Təhlükəsiz şəhər» kameraları vasitəsilə qeydə alınan bu videoda ən azı 3 kobud qayda pozuntusu və 1 qəza görüntüsü var. Qayda pozuntularından ikisi iki bahalı avtomobilin gecə yarısı yarışa çıxması və svetoforun qırmızı işığından keçməsini əks etdirir. Yçüncü qayda pozuntusu isə sol zolaqla hərəkət edən avtomobilin qarşı yola keçməsi və svetoforda yaşıl işıqda hərəkət başlayan anda üçüncü zolaqdan qəflətən sağa dönməyə çalışmasıdır. Elə bu qayda pozuntusu da ağır qəzaya səbəb olur. Düzünə hərəkət edən ağ rəngli avtomobil sağa dönməyə çalışan avtomobillə burun-buruna gəlir. Toqquşma nəticəsində idarəetməni itirən ağ rəngli avtomobil səkiyə dırmanıb dayanır. Qəzadan sonra başqa avtomobillərin sürücülərinin guya köməyə gəlirmiş kimi yolu bağlaması isə lap biabırçılıqdır. Çox güman ki, onların əksəriyyəti kömək barədə düşünmürlər, sadəcə, tamaşaya yığılıblar…

Elmin