DYP Kürdəmirdə reyd keçirdi - sürücülər saxlanıldı - FOTO

Daxili İşlər Nazirliyinin Mətbuat Xidmətinin Şirvan regional qrupundan Avtosfer.az-a verilən məlumata görə, Kürdəmir Rayon Polis Şöbəsinin Dövlət Yol Polisi bölməsinin əməkdaşları tərəfindən rayon ərazisində təhlükəsizliyin təmin edilməsi məqsədilə nəzarət-profilaktiki tədbirlər davam etdirilir.
Rayon ərazisində hərəkətin intensiv olduğu küçə və prospektlərdə keçirilən tədbirlər zamanı isıq cihazlarından və səs siqnallarından düzgün istifadə etməyən, eləcə də təhlükəsizlik kəmərindən istifadə etməyən sürücülər saxlanılıblar. Onlarla maarifləndirici söhbətlər aparılıb və yol verdikləri qayda pozuntuları barədə məlumatlar verilib.
Tədbirlər zamanı kobud qayda pozuntuları yol verən sürücülər barəsində isə qanunamüvafiq tədbirlər görülüb.