Kənd təsərrüfatı texnikası sürənlərin nəzərinə: reydlər başladı - FOTO
Avtoreyd 30 May 2020 14:28 Oxunub 1918
Kənd təsərrüfatı texnikası sürənlərin nəzərinə: reydlər başladı - FOTO
Qayda pozanlar cərimə edilir

Bu günlərdə Şəki, Qax Zaqatala rayonlarında Aqrar Xidmətlər Agentliyinin Texniki Nəzarətin Təşkili sektorunun əməkdaşları tərəfindən reydlər keçirilib. Agentlikdən Avtosfer.az-a verilən məlumata görə, məqsəd dövlət qeydiyyatından, texniki baxışdan yayınmış traktor və digər mexaniki nəqliyyat vasitələrini aşkarlamaq və müvafiq tədbirlər görməkdir.

Tədbirlər zamanı inzibati xəta törətmiş xeyli sayda nəqliyyat vasitəsi saxlanılıb, mexanizatorlara İnzibati Xətalar Məcəlləsinin 340-cı maddəsinə müvafiq protokollar tərtib olunub.

Hazırda kənd təsərrüfatı sahəsində mövsümi işlərin daha da çoxaldığını nəzərə alsaq qayda pozanların sayında artım qeydə alınıb. Kənd Təsərrüfatı Nazirliyi yanında Aqrar Xidmətlər Agentliyi texnika sahibləri və sürücülərinə bir daha xəbərdarlıq edir. Sürücülük vəsiqəsi və ya uyğun kateqoriyası olmadan nəqliyyat vasitəsini idarə etmək, dövlət qeydiyyatına alınmayan, texniki baxışdan keçməyən texnikanın istismarı qadağandır. Əks halda qayda pozanlarla qarşı daha ciddi və mütəmadi mübarizə aparılacaq. Agentlik intizamlı texnika sahiblərinə və sürücülərə təşəkkür də edib.

 

Orxan

FOTO QALEREYA
ŞƏRH YAZ
Ad

E-mail

Şərh