Masallıda qayda pozan sürücü və piyadalarla bağlı reyd keçirilib - FOTO

Yollarda baş verə biləcək qəza hadisələrinin qarşısının alınması və nəqliyyatın təhlükəsiz hərəkətinin təmini məqsədilə Masallı Rayon Polis Şöbəsinin dövlət yol polisi bölməsinin əməkdaşları tərəfindən növbəti reyd təşkil olunub. Şəhərin müxtəlif küçə və prospektlərində təşkil olunan tədbirlər zamanı sürücülük vəsiqəsi olmadan nəqliyyat vasitəsini idarə edənlər, mövcud piyada keçidlərindən istifadə etməyərək öz həyatları ilə bərabər digər hərəkət iştirakçılarına da ciddi təhlükə yaradan piyadalar aşkarlanıb.

Aşkarlanan qayda pozuntuları ilə bağlı həmin nəqliyyat vasitələrinin sürücüləri ilə izahat işləri aparılıb və hər biri barəsində qanunamüvafiq tədbirlər görülüb. Yol hərəkəti təhlükəsizliyinin təmini məqsədilə bu kimi tədbirlər bundan sonra davam etdiriləcək