Ona yol verməyən sürücünü döymək istədi, özü döyüldü - VİDEO

Avtosfer.az Rusiyada baş vermiş maraqlı hadisənin videosunu təqdim edir. Sürücülük mədəniyyətindən xəbərsiz olan bir sürücünün hərəkəti sonda davaya səbəb olur. Davaya səbəb olan sürücü yolun sol zolağı ilə hərəkət edir, sağ zolaqda da maşınlar var və asta sürətlə gedirlər. Arxadan gələn avtomobilin sürücüsü nə qədər çalışsa da, qarşıdakı avtomobili ötə bilmir. Dəfələrlə təhlükəli vəziyyət yaranır, sağdan ötməyə də çalışır, amma alınmır. Nəhayət, birtəhər sağdan ötən sürücü bayaqdan ona yol verməyən avtomobilin qarşısını kəsir. Həmin avtomobilin sürücüsünə hücum çəkən qara rəngli avtomobilin sürücüsü gözlənilməz mənzərə ilə rastlaşır. O, döymək üçün hücuma keçdiyi halda döyülür. Dəfələrlə hücum etsə də, gücü çatmır və bayaqdan ona yol verməyən sürücü tərəfindən döyülür. Ətrafdakı insanların müdaxiləsindən sonra dava sakitləşir.

Maraqlısı odur ki, yolun solu ilə hərəkət edib arxadakı maşına yol verməyən sürücü bu vəziyyətdə özünü haqlı sayır…

Fuad