Rusiyada yol inşaatı da çökür - FOTO

Avtoreyd 25 Yanvar 2023 12:00 Oxunub 1090
Rusiyada yol inşaatı da çökür  - FOTO
WhatsApp kanalımıza abunə ola bilərsiniz

Qərbin sanksiyaları ilə üzləşən Rusiya bir çox sahədə olduğu kimi yol tikintisində də çətinliklə üzləşib. 

Avtosfer.az Rusiya mətbuatına istinadla xəbər verir ki, bu il üçün ölkədə yeni yolların tikintisi və təmirinə ayrılan büdcə azaldılıb. Bir çox layihə isə sadəcə olaraq təxirə salınıb və ya icra müddəti uzadılıb.

2022-ci ilin yayında layihələndirilməsinə qərar verilən “Meridian” ödənişli yolu ilə bağlı layihələndirmə işləri dayanıb. Yol Qazaxıstan sərhədindən Belarusadək uzanmalı idi. Yekaterinburqdan Krasnodara gedən Cənub yolunun tikintisinə ayrılan maliyyə 15 milyard rubldan 4 milyarda endirilib. 

Bundan əlavə, hazır yollarda nəzərdə tutulan dəyişikliklər üçün maliyyə ayrılması dayandırılıb. Eyni hal lokal əhəmiyyətli yollara da aiddir. 

Ölkədə yol tikintisinə vəsaitin azaldılması qiymətlərin yüksək sürətlə bahalaşdığı dövrdə baş verir. Hazırda yol tikintisi üçün büdcədən kənar vəsaitlər axtarılır. 

Sonda qeyd edək ki, sanksiyalara görə Rusiyada yol tikintisi maşınlarının da istehsalı azalıb.

FOTO QALEREYA
ŞƏRH YAZ
Ad

E-mail

Şərh