Traktor sürücülərinə qarşı reyd keçirilib: cərimə olunanlar var - FOTO

Aqrar Xidmətlər Agentliyinin, Şəki Texniki Nəzarətin Təşkili sektorunun təşkilatçılığı ilə Balakən və Zaqatala rayonların ərazilərində növbəti reyd keçirilib. Agentlikdən Avtosfer.az-a verilən məlumata görə, reydlər Balakən və Zaqatala rayonlarında Qaysa, Şərif, Qabagçöl, Sumaylı-Göyəm kəndləri ərazisində baş tutub. Tədbir zamanı 15 dən artıq texnika saxlanılıb. Saxlanılanlar arasında yol hərəkəti qaydalarına əməl etməyən, dövlət qeydiyyatına alınmayan,  dövlət nömrə nişanı təyin olunan yerinə bərkidilməyən, sürücülük vəsiqəsi olmadan idarə edən və qoşqunun üzərində sərnişin daşıyan aşkar edilib. Sürücülərə kənd təsərrüfatı texnikasını istifadə zamanı istismar və təhlükəsizlik qaydalarına riayət etmək izah olunub və  təlimatlar paylanılın. Qayda pozan 3 mexanizatora inzibati protokol tərtib olunub.

Aqrar Xidmətlər Agentliyi bir daha sürücülərə  xəbərdarlıq edir ki, əgər istismar qaydaları pozularsa texnikaların istifadəsi qanuna müvafiq olaraq dayndırılacaq.

Orxan