Yol komandiri bələdiyyə sədrini belə «sındırdı» - VİDEO

Türkiyənin Bulancak Bələdiyəsinə aid yük maşını qanunda nəzərdə tutulandan daha artıq tonnajla yüklənib yola çıxaraq təhlükə yaratdığı üçün Jandarma yol qurupu tərəfindən saxlanılıb. Avtosfer.az-ın Türkiyə mediasına istinadən verdiyi məlumata görə, bunun insanları təhlükəyə atan bir hərəkət olduğunu bildirən Jandarma zabiti gözləmədiyi vəziyyətlə qarşılaşıb. Hadisə yerinə gələn Bulancak Bələdiyə başqanı, AKP-nin üzvü Rəcəp Yakar Jandarma zabitini təhqir edərək onu rüşvət almaqda ittiham edib. Yük avtomobilinin saxlanmasına etiraz edən bələdiyyə başqanının bu hərəkəti komandiri özündən çıxarmayıb və o, səbr nümayiş etdirərək başqanın cavabını qanuna əsaslanaraq verib. Zabit bütün baş verənləri kameraya çəkdirib, başqanın avtomobili olay yerindən aparmasına imkan verməyib. Ardınca isə prokurora zəng edərək hadisə barədə məlumat verəndən sonra bələdiyyə başqanı geri çəkilmək məcburiyyətinə qalıb.

Türkiyə mətbuatı bu olayı sərt şəkildə tənqid edib və zabitin səbrli, savadlı hərəkətini təqdir etməklə, bələdiyyə başqanını ona şər-böhtan atmasını pisləyiblər.

Həmin olayın videosunu təqdim edirik:

Fidan