17 yaşlı sürücü yük maşınını TIR-a çırpdı; 3 nəfər xəsarət aldı - FOTO

Türkiyənin Aksaray əyalətində iki yük avtomobilinin iştirakı ilə yol qəzası baş verib.

Avtosfer.az yerli KİV-ə istinadən xəbər verir ki, hadisə iyunun 13-də səhər saatlarında Aksaray- Ankara avtomagistralının 55-ci kilometrliyində qeydə alınıb.

Məlumata görə, 17 yaşlı Tunaxan Alkanın idarə etdiyi 33 AAJ 070 qeydiyyat nömrə nişanlı qarpız yüklü yük maşını, qarşıda hərəkətdə olan hərəkətdə olan Ənvər Əlicanın idarə etdiyi TIR-a arxadan çırpılıb.

Zərbənin təsirindən yük maşını deformasiyaya uğrayıb.

Qəza nəticəsində 3 nəfər müxtəlif dərəcəli bədən xəsarətləri alıb.

Yaralılar, hadisə yerinə çağırılan ambulanslarla xəstəxanaya çatdırılıblar.

Polis faktla bağlı araşdırmalara başlayıb.

Namiq Musayev