28 May ərazisində parkinq xaosu yarandı - FOTO

28 May metrostansiyasın ətrafında sözün əsl mənasında xaos yaşanır. Avtosfer.az xəbər verir ki, üç zolaqlı yolun 2 zolağını park edən avvtomobillər tutub. Bu barədə şikayət edən oxucular deyirlər ki, həm maşınların, həm də piyadaların hərəkəti üçün maneə yaranır. “Bura “Bombey”i xatırladır. Bircə “Tuk-tuk”lar çatmır. O da olsa Bombeydən fərqi olmaz.”

Maraqlıdır ki, ərazidə “parkinq” fəaliyyət göstərir. Geniş ərazini zəbt etməsinə baxmayaraq bir-iki manat artıq pul qazanmaq üçün yolun hərəkət hissəni də parkinqə çeviriblər. Hətta sürücülərə hərdən “qəbz” də verilir. Amma bu pullar hara gedir, bəlli deyil. Ən əsası isə ərazidə avtomobil əlindən tərpənmək olmur. Oxucuların göndərdiyi fotoları təqdim edirik.

Fərid