"28 May" metrosunun ətrafında bu işlər görüləcək - İkinci "Tarqovı" burada olacaq - FOTO

Fərdi avtomobillərin hərəkətinin məhdudlaşdırıldığı "28 May" metrostansiyasının ətrafında aidiyyəti qurumlarla birgə abadlaşma işləri həyata keçiriləcək. Bu barədə Avtosfer.az-a Azərbaycan Yerüstü Nəqliyyat Agentliyindən məlumat verilib. Bildirilib ki, bu işlər çərçivəsində asfalt örtüyünün dəyişdirilməsi, mikromobillik infrastrukturunun qurulması, o cümlədən velosiped zolaqlarının təşkil edilməsi və piyada zonalarının yaradılması nəzərdə tutulur.

Bu ərazinin şəhərin alternativ mərkəzinə çevrilməsi hədəflənir.

Qeyd edək ki, Bakı Dəmiryol Vağzalına gəlib-gedənlər üçün qarşılama və yolasalma zonası da təşkil olunacaq.