3.5 milyon dollarlıq “Ferrari Enzo” qəzaya uğradı: 3 nəfər xəsarət alıb - FOTO

“Ferrari” şirkəti “Enzo” modelindən yalnız 399 ədəd istehsal edib. Avtosfer.az xəbər verir ki, bu çox nadir super avtomobili yolda görmək şansınız Monte-Karlo kimi şəhərlər xaricində çox aşağıdır. Yolda qəzaya uğramış “Enzo” görmək şansınız isə demək olar ki, imkansızdır.

Ancaq təəssüflər olsun ki, keçdiyimiz günlərdə bir çox insan bu qəzanın şahidi olub.

Belə ki, Münhendə A99 avtomagistralında qırmızı “Ferrari Enzo” qəzaya düşərək qanadları və kapotu daxil olmaqla bütün ön hissəsi dağılmış vəziyyət düşüb.

Yerli polisin məlumatına görə, qəza sürücünün sükan idarəetməsini itirməsi səbəbindən baş verib. İdarəetmədən çıxan “Ferarri” orta arakəsmələrə çırpılıb. Zərbənin təsirindən avtomobildən çıxan parçalar başqa maşının üzərinə düşüb. Nəticədə 3 nəfər xəsarət alıb.

Polis qəzanın hansı səbəbdən baş verdiyini araşdırır.

Fotolarda “Enzo”nun hansı vəziyyətə düşdüyü görülür.

Lakin bəzi “Ferrari” sayt forumlarında paylaşımlara görə bu avtomobilin təmiri mümkündür. Bu təmirin isə çox bahalı olduğunu da bilirik. Günümüzdə “Ferrari Enzo”nun bazar qiyməti 3.5 milyon dollardır.

Namiq Musayev