“Audi Q7” “Volkswagen”lə toqquşdu; 3 nəfər öldü - FOTO

Rusiyanın Tambov əyalətində iki nəqliyyat vasitəsinin iştirakı ilə ağır yol qəzası baş verib. Avtosfer.az xəbər verir ki, hadisə mayın 21-də “Tambov” – “Muçkapskiy” avtomagistralının 41-ci kilometrliyinin, Rjaksinsk rayonu ərazisindən keçən hissəsində qeydə alınıb. Bu barədə regionun Fövqəladə Hallar Nazirliyinin Mətbuat Xidmətindən məlumat verilib.

Məlumata görə, “Audi Q7” markalı minik avtomobili hələ ki müəyyən olunmayan səbəblərdən “Volkswagen” markalı minvenlə toqquşub.

Qəza nəticəsində “Audi”nin sürücüsü və sərnişini hadisə yerində, “Volkswagen”in sürücüsü isə bir qədər sonra vəfat ediblər.

Faktla bağlı araşdırmalara başlanılıb.

Namiq Musayev