Avtobus minik avtomobili ilə toqquşdu; 1 ölü, 17 yaralı - FOTO

Türkiyənin Tunceli əyalətində iki nəqliyyat vasitəsinin iştirakı ilə ağır yol qəzası baş verib. Avtosfer.az yerli KİV-ə istinadən xəbər verir ki, hadisə Tunceli – Elazığ avtomagistralının 45-ci kilometrliyinin Göytəpə kəndi ərazisindən keçən hissəsində qeydə alınıb.

Məlumata görə, Elazığ hava limanından Tunceli əyalət mərkəzinə sərnişin daşıyan, 62 AAD 158 qeydiyyat nömrə nişanlı avtobus, sürücünün idarəetməsindən çıxaraq hərəkətin əks tərəfinə keçib və qarşıdan gələn 25 AAG 937 qeydiyyat nömrə nişanlı minik avtomobili ilə toqquşub. Zərbənin şiddətindən minik maşını deformasiyaya uğrayıb.

Qəza nəticəsində 1 nəfər ölüb, 17 nəfər isə müxtəlif dərəcəli bədən xəsarətləri alıb. Yaralılar, hadisə yerinə çağırılan təcili tibbi yardım briqadasının köməkliyi ilə xəstəxanaya çatdırılıblar.

Faktla bağlı araşdırmalara başlanılıb.

Namiq Musayev