Avtomobil yol kənarına aşıb əzik-əzik oldu: 2 ölü, 1 ağır yaralı - FOTO

Türkiyənin Aydın vilayətində minik avtomobilinin iştirakı ilə ağır yol qəzası baş verib. Avtosfer.az xəbər verir ki, insident bu gün səhər saatlarında Quşadası rayonunun Yeniköy məhəlləsində qeydə alınıb.

Məlumata görə, Əli Qorxmazın idarə etdiyi 09 KB 208 qeydiyyat nişanlı minik avtomobili, hərəkətdə olan zaman döngədə sükan idarəetməsini itirərək yol kənarına aşırıb.

Zərbənin şiddətindən minik avtomobili deformasiyaya uğrayıb. Nəticədə salonda olan iki sərnişin hadisə yerində vəfat ediblər. Ağır xəsarət alan sürücü isə, ambulansla Quşadası Dövlət xəstəxanasına çatdırılıb.

Hüquq-mühafizə orqanları tərəfindən təhqiqatlara başlanılıb.

Namiq Musayev