Avtomobilsiz şəhərin faydası; erkən ölüm səviyyəsi aşağı düşür, sağlam mühit yaranır - FOTO

Avtosfer Foto 18 Mart 2024 16:00 Oxunub 3054
Avtomobilsiz şəhərin faydası; erkən ölüm səviyyəsi aşağı düşür, sağlam mühit yaranır - FOTO
WhatsApp kanalımıza abunə ola bilərsiniz

Dünyanın əksər şəhərlərində avtomobilsizləşmə prosesi gedir. Son illərin təhlili göstərir ki, bu proses həm ictimai səhiyyə, həm də iqtisadiyyat baxımından çox əhəmiyyətlidir. Avtomobilsizləşmə nəticəsində səhiyyə xərcləri azalmaqla yanaşı pərakəndə ticarət canlanır. 
Avtosfer.az xəbər verir ki, 80-ci illərdə Avropada şəhər mərkəzlərinin şəxsi avtomobillərlə dolması ciddi nəticələr doğurmağa başladı. Avtomobillərin yaratdığı çirklənmə səhiyyə xərclərini artırmaqla yanaşı, iqtisadi fəaliyyətin pisləşməsinə səbəb oldu. Buna görə şəhər mərkəzlərində avtomobillərin azaldılması başladı. İlk pionerlərdən biri Belçikanın hollanddilli Gent şəhəri oldu. Gentin ardınca Avropada geniş vüsət alan avtomobilsizləşmə layihələrinin nətcələri belə oldu: 
-    Ekoloji çirklənmə və səs səviyyəsi azaldı, 
-    Erkən ölüm səviyyəsi aşağı düşdü
-    Yaşıllıq sahələri artdı,
-    Əhalinin hərəkətliliyi artdı
-    İctimai səhiyyədə vəziyyət yaxşılaşdı. 

Maraqlıdır ki, hansısa ərazidə avtomobillərin qadağan edilməsi pərakəndə ticarət dövriyyəsini artırır. Statistika göstərir ki, ölkədən asılı olaraq nəqliyyata qapalı ərazilərdə ticarət 35-50% arası artır. Səhiyyə xərcləri isə eyni miqdarda azalır. 
Elə şəhərlər var ki, orada şəxsi avtomobillə deyil, piyada və ya ictimai nəqliyyatla hərəkət daha sərfəlidir:
Gent (Belçika),
Amsterdam (Niderland),
Oslo (Norveç),
Hidra  (Yunanıstan),
Lamu (Keniya),
Zermat (İsveçrə),
Fes əl-Bali (Mərakeş),
Venesiya (İtaliya).
Keniyanın Lamu, Mərakeşin isə Fes əl-Bali şəhərlərinə dünyanın hər yerindən turistlər nə qədər qəribə səslənsə də, eşşəklə səyahət etmək üçün gəlirlər. Lamu və Fesdə uzunqulaqlardan istifadə texniki gerilik deyil, tarixə hörmətdir. Bu işçi heyvanlar sözügedən şəhərlərə hər il milyonlarla dollar mənfəət gətirirlər.

Vüqar

FOTO QALEREYA
ŞƏRH YAZ
Ad

E-mail

Şərh