Bakıda səkiləri zəbt edən "AA" seriyalı bahalı maşınlar: “Lexus”, "Land Rover Defender” - FOTO

Paytaxtda səkilərin zəbt olunması piyadalar üçün çətinlik yaradır. Dayanma-durma qaydalarını pozan sürücülər nəqliyyat vasitələrini səki, pandusun qarşısı, avtobus dayanacağı və hətta avtobus zolağında park edirlər.

Avtosfer.az xəbər verir ki, Əhməd Rəcəbli küçəsində də analoji qayda pozulub. Belə ki, 77-LK-051 qeydiyyat nişanlı “BMW” markalı avtomobilin sürücüsü maşını avtobus zolağında saxlayıb.

Daha bir sürücü isə Azadlıq prospektində avtomobilini pandusun önündə park edib. 11-AA-017 qeydiyyat nişanlı “Lexus” markalı avtomobilinin sürücüsü piyadalarla yanaşı, əlil və uşaq arabası ilə hərəkət edən vətəndaşlar üçün də çətinliyə səbəb olub.

İbrahimpaşa Dadaşov küçəsində 90-UR-418 qeydiyyat nişanlı “Nissan” markalı, Əlövsət Quliyev küçəsində 77-GB-628 qeydiyyat nişanlı “Mercedes” markalı, Fəzail Bayramov küçəsində isə 10-AA-336 "Land Rover Defender” markalı avtomobillərinin sürücüləri nəqliyyat vasitələrini səkidə park ediblər. Bu da piyadaları yolun hərəkət hissəsinə çıxmağa məcbur edib.

Məhəbbət Tərlanoğlu