Əks zolağa çıxan yük maşını mikroavtobusla toqquşdu; 5 nəfər xəsarət aldı - FOTO

Türkiyənin Sakarya vilayətində yük maşınının və servis mikroavtobusunun iştirakı ilə yol-nəqliyyat hadisəsi baş verib. Avtosfer.az xəbər verir ki, hadisə mayın 15-də Adapazarı şəhərində qeydə alınıb.

Məlumata görə, Necdət Pala idarə etdiyi 34 RP 522 qeydiyyat nişanlı yük maşını ilə hərəkətdə olan zaman, sükan idarəetməsini itirib və əks zolağa çıxaraq qarşıdan gələn yol təmir işçilərini daşıyan Mustafa Dəmirin idarə etdiyi 52 LL 180 qeydiyyat nişanlı mikroavtobusla toqquşub. Zərbənin təsirindən hər iki maşın deformasiyaya uğrayıb.

Qəza nəticəsində hər iki nəqliyyat vasitəsinin sürücüsü və mikroavtobusda olan daha 3 işçi müxtəlif dərəcəli bədən xəsarətləri alıblar. Yaralılar təcili tibbi yardım briqadasının köməkliyi ilə xəstəxanaya çatdırılıblar.

Polis faktla bağlı araşdırmalara başlayıb.

Namiq Musayev