Yanacaqdoldurmadan çıxan “təcili yardım”a motosiklet çırpıldı; 3 nəfər öldü - FOTO

Rusiyanın Stavropol diyarında motosikletin və “təcili tibbi yardım” maşınının iştirakı ilə ağır yol qəzası baş verib. Avtosfer.az xəbər verir ki, hadisə aprelin 16-da gecə saatlarında Georgiyevski şəhər dairəsində qeydə alınıb.

Məlumata görə, yanacaqdoldurma məntəqəsindən qəfildən yola çıxan “UAZ” markalı “təcili tibbi yardım” maşını sürətlə hərəkətdə olan motosikletlə toqquşub. Zərbənin təsirindən hər iki nəqliyyat vasitəsi yanıb.

Qəza nəticəsində motosikletin 28 yaşlı sürücüsü ilə sərnişini və “UAZ”ın 57 yaşlı sürücüsü aldıqları xəsarətlərdən hadisə yerində vəfat ediblər.

Polisdən bildirilib ki, “təcili tibbi yardım” maşını sayrışan işıqlarını yandıraraq hərəkət edib.

Faktla bağlı araşdırmalara başlanılıb.

Namiq Musayev