Bu küçədə yük maşınları səkini zəbt edir - FOTO

Paytaxtın Xan Şuşinski küçəsində, “AZZA” mağazasının qarşısındakı səkini yük maşınları zəbt edirlər. Avtosfer.az xəbər verir ki, bu barədə sosial şəbəkələrdə fotolar paylaşılıb. Bildirilir ki, vaxtilə bu yerdə bordürlər yastı şəkildə düzüldüyü üçün maşınlar səkiyə asanlıqla daxil olurlar.

Şikayətçilər bildirir ki, problemlə bağlı Azərbaycan Avtomobil Yolları Dövlət Agentliyinə müraciət edilib. Agentliyin rəsmi cavabında bordürlərin tam bərpa olunduğu qeyd olunsa da, reallıqda belə deyil.

Yollarda bəzi mağazaların qarşısında bordürlərin yastı şəkildə düzülməsi məlumdur. Məqsəd həmin obyektlərə yük daşıyan maşınlara şərait yaratmaqdır. Amma bu məsələ hüquqi baxımdan necə əsaslandırılır, məlum deyil.

Yükü boşaltmaq üçün maşın mütləq səkiyə çıxmalıdır? Maşını yol kənarında saxlayıb yükü daşımaq olmazmı?

Leyla