Dincəlməyə gedən ailənin olduğu mikroavtobus aşdı; 3 nəfər öldü, 6 nəfər yaralandı - FOTO
Avtosfer Foto 24 İyul 2020 13:26 Oxunub 1816
Dincəlməyə gedən ailənin olduğu mikroavtobus aşdı;  3 nəfər öldü, 6 nəfər yaralandı - FOTO

Türkiyənin Ağrı vilayətində mikroavtobusun iştirakı ilə ağır yol qəzası baş verib. Avtosfer.az xəbər verir ki, hadisə iyulun 24-də səhər saatlarında Patnos rayonunun girişində qeydə alınıb.

Yerli KİV-in məlumatına görə, Məhməd Hanifi Ulduzun idarə etdiyi 06 FN 26 qeydiyyat nömrə nişanlı mikroavtobus, idarəetmədən çıxaraq dəmir arakəsmələrə çırpılıb və zərbənin təsirindən nəqliyyat vasitəsi aşıb.

Qəza nəticəsində Əfqan Ulduz (7), Əfəcan Ulduz (13), Şafi Dilmaç (17) aldıqları xəsarətlərdən hadisə yerində vəfat ediblər, sürücü Məhməd Hanifi Ulduz, Abdullah, Zeynəb, Ömər Əli, Akın və Furkan Ulduz isə yaralanıb.

Yaralılar, hadisə yerinə çağırılan ambulanslarla Rayon Dövlət Xəstəxanasına çatdırılıblar.

Bildirilir ki, ailə Qurban Bayramı tətili ilə əlaqədar Trabzondan Ağrının Patnos rayonuna dincəlməyə gedirlərmiş.

Faktla bağlı araşdırma aparılır.

 

Namiq Musayev

 

ŞƏRH YAZ
Ad

E-mail

Şərh