Dörd ildir Bossun boynuna keçən şini çıxara bilmirlər - FOTO + VİDEO

İndoneziyanın Palu şəhərində təbiət mütəxəssisləri 4 ildir ki, bir timsahın boynuna keçən şini çıxara bilmirlər. Avtosfer.az xəbər verir ki, 2016-cı ildə 4 metr uzunluğunda olan Boss adlı timsahın boynuna motosiklet şini keçib. İllərdir şini çıxarmaq üçün aparılan çalışmalar heç bir nəticə verməyib. Timsahın dünyanın ən təhlükəli sürünənlərindən biri olması səbəbindən yanına heç kim yaxınlaşa bilmir. Müvafiq qurumlar şini çıxarmaq üçün küllü miqdarda pul uduşu qoymaqla yarışma belə keçirib. Lakin bu da fayda vermədiyi üçün yarışma ləğv edilir. Bundan  sonra bölgə sakinləri, Avstraliyada “Vəhşi həyat” proqramı çəkən Matt Virghtə və  komandasına müraciət ediblər. Müraciətə müsbət cavab verən Virghti komandası ilə İndoneziyaya gəliblər.

Təəssüf ki, suda keçirdiyi 4 günün sonunda aparıcı Matt Virghti da, şini Bossun boynundan çıxara bilməyərək ölkəsinə qayıdıb.

Namiq Musayev