Əks istiqamətə çıxan yük maşını “Toyota” ilə toqquşdu: qadın sərnişin öldü - FOTOLAR

Rusiyanın Xabarovsk vilayətində yük və minik avtomobillərinin iştirakı ilə ağır yol-nəqliyyat hadisəsi baş verib. Avtosfer.az yerli KİV-ə istinadən xəbər verir ki, hadisə mayın 1-də А-376 avtomagistralının 19-cu kilometrliyində qeydə alınıb.

Məlumata görə, hərəkətdə olan “Mercedes-Benz” markalı yük maşını yolun əks istiqamətinə çıxaraq qarşıdan gələn “Toyota Ipsum”la toqquşub. Zərbənin təsirindən “Mercedes” yol kənarına aşan zaman yük yerində olan konteyner “Toyota” üzərinə düşüb.

Nəticədə hər iki sürücü xəsarətlər alıb, minik avtomobilinin qadın sərnişini isə ölüb.

Faktla bağlı araşdırmalara başlanılıb.

Namiq Musayev