Əyləci xarab olan TIR avtomobili əzik-əzik etdi - FOTO

Türkiyənin Şanlıurfa vilayətində TIR minik avtomobilini əzib. Avtosfer.az xəbər verir ki, insident Eyyublu rayonunun Muradiye məhəlləsində qeydə alınıb.

İddiaya görə, Məhməd A. evinin qarşısında yük maşınını park etdikdən sonra evinə gedib. Gecə saatlarında əyləcində nasazlıq yaranan TIR geriyə hərəkət etməyə başlayıb. Təxminən 20 metr irəliləyən yük maşını, park vəziyyətində olan “Fiat” markalı minik avtomobilinə çırpılıb. Avtomobili qarşısına alaraq bir müddət sürüklənən nəqliyyat vasitələri bir binanın divarına dəyərək dayanıblar. Divarla TIR-ın arasında qalan “Fiat” isə deformasiyaya uğrayıb. Hadisə zamanı ölən və ya xəsarət alan olmayıb.

Polis qəza ilə bağlı araşdırmalara başlayıb.

Namiq Musayev

.