“Ford” TIR-ın altına girdi; oğul öldü, ana isə ağır yaralandı - FOTO

Türkiyənin Aydın əyalətində iki nəqliyyat vasitəsinin iştirakı ilə ağır yol-nəqliyyat hadisəsi baş verib. Avtosfer.az xəbər verir ki, qəza “Yağcılar” məhəlləsində qeydə alınıb.

Məlumata görə, Vedat Qaya idarə etdiyi 45 DR 377 qeydiyyat nömrə nişanlı “Ford” markalı avtomobillə, hərəkətdə olarkən qəfildən sükan idarəetməsini itirərək eyni istiqamətdə hərəkətdə olan 09 C 3764 qeydiyyat nömrə nişanlı TIR-a arxadan çırpılıb.

Zərbənin şiddətindən “Ford”un ön hissəsi yük avtomobilinin altına girib.

Hadisə nəticəsində sürücü hadisə yerində aldığı xəsarətlərdən ölüb, anası Əsma Qaya isə ağır vəziyyətdə xəstəxanaya çatdırılıb.

Faktla bağlı araşdırmalara başlanılıb.

Namiq Musayev