Avtosfer.az | Reklam
Gənc qızlar ağır yol qəzasına düşdü: 3 ölü, 2 yaralı - FOTO
Avtosfer Foto 27 Dekabr 2019 22:00 Oxunub 5471
Gənc qızlar ağır yol qəzasına düşdü: 3 ölü, 2 yaralı - FOTO
Faktla bağlı araşdırmalara başlanılıb

ABŞ-ın Alabama ştatında idman komandasına dəstək qrupunun üzvləri ağır yol qəzasına düşüblər. Avtosfer.az xəbər verir ki, faciəvi insident ötən gün ölkədə Milad bayramı qeyd edilən zaman, Djineva şəhər ətrafında baş verib. Bu barədə “NBC” telekanalı məlumat yayıb.

Məlumata görə, içərisində 16 yaşlardan ibarət bir qrup qızın olduğu minik avtomobili, sürücünün idarəetməsindən çıxaraq yol kənarındakı ağaca çırpılıb.

Nəticədə 3 nəfər hadisə yerində dünyasını dəyişib, daha 2 nəfər isə xəstəxanaya çatdırılıb.

Bildirilir ki, vəfat edən qızlar, yerli idman kollektivinin oyun vaxtı verilən fasilədə meydana çıxaraq şou göstərən qızları olub.

Ehtimal edilir ki, qəzaya avtomobilin anidən qarşısına çıxan maral səbəb ola bilər.

Faktla bağlı araşdırmalara başlanılıb.

 

Namiq Musayev

 

 

ŞƏRH YAZ
Ad

E-mail

Şərh