Hərəkətdə olan maşının təkəri partladı, aşdı: 8 yaralı - FOTO

Türkiyədə minik avtomobilinin qəzaya uğraması nəticəsində 8 nəfər xəsarət alıb.

Avtosfer.az yerli mətbuata istinadən xəbər verir ki, insident Gaziantep-Adana trasının 65-ci kilometrliyində qeydə alınıb.

Məlumata görə, yolun sol zolağında hərəkətdə olan 03 AAU 276 dövlət qeydiyyat nişanlı minik maşınının təkəri partlayıb. Sürücünün idarəetməsindən çıxan avtomobil bir müddət sürüşərək aşıb. Ətrafdakı insanların çağırışı ilə hadisə yerinə səhiyyə, xilasetmə və polis briqada əməkdaşları gəlib.

Nəqliyyat vasitəsində olan 8 yaralı təcili tibbi yardım maşınları ilə ərazidə yerləşən xəstəxanalara yerləşdiriliblər.

Polis qəza ilə bağlı araşdırmalara başlayıb.

Namiq