İki minik avtomobili toqquşdu: 8 nəfər xəsarət alıb - FOTO

Türkiyənin Kütahya vilayətində iki minik avtomobilinin iştirakı ilə yol-nəqliyyat hadisəsi baş verib. Avtosfer.az xəbər verir ki, hadisə Simav rayonunun Muradınlar məhəlləsində qeydə alınıb.

Məlumata görə, Murad Çəlikin idarə etdiyi 43 KD 694 qeydiyyat nömrə nişanlı minik maşını, Şənər Çəlikin idarə etdiyi minik avtomobili ilə toqquşub. Zərbənin şiddətindən avtomobillər deformasiyaya uğrayıb.  

Nəticədə hər iki nəqliyyat vasitəsində olan 8 nəfər müxtəlif dərəcəli bədən xəsarətləri alıb.

Yaralılar hadisə yerinə çağırılan ambulanslarla xəstəxanalara çatdırılıblar.

Polis insidentlə bağlı təhqiqatlara başlayıb.

Namiq Musayev