“Lada” TIR-la toqquşdu; 3 nəfər öldü – FOTO

Rusiyanın Orenburq əyalətində iki nəqliyyat vasitəsinin iştirakı ilə ağır yol qəzası baş verib. Avtosfer.az xəbər verir ki, hadisə iyunun 24-də P-239 “Orenburq – Solı-İleçek” avtomagistralının 17-ci kilometrliyində qeydə alınıb.

Məlumata görə, “Lada Kalina” markalı minik avtomobil, hələlik məlum olmayan səbəblərdən “Scania” markalı TIR-la toqquşub. Zərbənin təsirindən “Lada” deformasiyaya uğrayaraq yol kənarına düşüb.

Qəza nəticəsində 3 nəfər aldığı xəsarətlərdən hadisə yerində dünyasını dəyişib.

Hüquq-mühafizə orqanları tərəfindən insidentin təfərrüatları araşdırılır.

Namiq Musayev