Lüks maşınları daşıyan TIR aşdı; 5 avtomobilə ziyan dəydi - FOTO

Türkiyənin Bursa əyalətində yeni maşınları daşıyan TIR aşıb. Avtosfer.az xəbər verir ki, hadisə İstanbul – İzmir avtomagistralının çıxışında qeydə alınıb.

Məlumata görə, “Renault” zavodundan götürdüyü yeni avtomobilləri daşıyan TIR-ın sürücüsü Ş.Y., avtomagistralın çıxışında hələ ki məlum olmayan səbəblərdən sükan idarəetməsini itirib. Bundan sonra yanakı aşan yük maşınının üzərindəki 3 avtomobil yola düşüb. Qəza nəticəsində Ş.Y. müxtəlif dərəcəli bədən xəsarətləri alıb, maşından aşan və yük yerində olan ümumilikdə 5 avtomobilə isə ziyan dəyib.

Yaralı, hadisə yerinə çağırılan ambulansla xəstəxanaya çatdırılıb.

Yolun hərəkət hissəsinə aşan nəqliyyat vasitələri, qaldırıcı kran vasitəsi ilə hadisə yerindən kənarlaşdırıldıqdan sonra avtomagistral yenidən hərəkətə açılıb.

Namiq Musayev