Maşın 100 metr hündürlükdən uçuruma yuvarlanıb bu hala düşdü - FOTO + VİDEO

Türkiyənin Antalya vilayətində minik avtomobilinin iştirakı ilə yol-nəqliyyat hadisəsi baş verib. Avtosfer.az yerli KİV-ə istinadən xəbər verir ki, insident Alanya rayonu ərazisində qeydə alınıb.

Məlumata görə, rayon mərkəzi istiqamətində hərəkətdə olan 31 yaşlı Fatih Pişkin idarə etdiyi 07 ACU 690 qeydiyyat nömrə nişanlı “Daewoo” markalı minik avtomobili, yolun yağışlı və sürüşkən olması səbəbindən sürücünün idarəetməsindən çıxıb və bundan sonra 100 metr hündürlükdən uçuruma yuvarlanıb. Qayalıq ərazidə metrlərlə sürüklənən nəqliyyat vasitəsi alt yola düşərək əzik-əzik olub. Qəza nəticəsində sürücü müxtəlif dərəcəli bədən xəsarətləri alıb. Yaralı, hadisə yerinə gələn ambulans vasitəsilə xəstəxanaya çatdırılıb.

Faktla bağlı araşdırmalara başlanılıb.

Namiq Musayev