“Mercedes” “Reno” ilə toqquşdu: 3 ölü, 6 yaralı - FOTO

Rusiyanın Orlov əyalətində mikroavtobusun və minik avtomobilinin iştirakı ilə ağır yol qəzası baş verib. Avtosfer.az yerli KİV-ə istinadən xəbər verir ki, insident M-2 “Krım” avtomagistralının 400-cü kilometrliyində qeydə alınıb.

Məlumata görə, salonunda ukraynalı vətəndaşlarının olduğu “Mercedes” markalı mikroavtobus "Renault Megane” markalı minik avtomobillə toqquşub.

Nəticədə 3 nəfər vəfat edib, daha 6 nəfər isə xəsarət alıb.

Hadisə yerinə Yol Patrul Xidmətinin əməkdaşları, xilasetmə və təcili tibbi yardım briqadaları cəlb edilib.

Qəzanın baş vermə səbəbləri araşdırılır.

Namiq Musayev