Məşhur futbolçunun 548 minlik “Aston Martin”i satışa çıxarıldı - FOTO

İngiltərə yığmasının keçmiş futbolçusu Devid Bekhemə məxsus, 1988-ci il buraxılışı “Aston Martin AMV8 Volant” markalı avtomobil satışa çıxarılıb. Avtosfer.az xəbər verir ki, satışı “Aston Martin Works” şirkəti həyata keçirir. İdman avtomobilini arzu edənlər 548,808 dollar ödəyərək əldə edə bilərlər. Bu barədə “Carscoops” məlumat yayıb.

Bildirilir ki, məşhur futbolçu “Aston Martin”i, hələ 2018-ci ildə satmağa qərar vermişdi.

İdman maşını 423 at gücündə olan 5,3 litrlik benzin mühərriki ilə təchiz olunub.

Avtomobil 100 kilometri 5,2 saniyəyə yığır. Onun maksimal sürət isə 270 km/saatdır.

Dünyada “Aston Martin AMV8 Volant”dan cəmi 78 ədəddir.

Namiq Musayev