Məşhur iş adamının milyon yarımlıq avtomobilinə siçanlar ziyan vurdu - FOTO

Türkiyəli iş adamı Əli Ağaoğlunun 1,5 milyonluq avtomobilinə siçanlar ziyan vurub. Avtosfer.az xəbər verir ki, lüks avtomobil həvəskarı kimi tanınan iş adamı iyulun 16-da təcili edilən telefon zəngi ilə Bodrumdakı tətilini yarıda kəsərək, 6 milyonluq lirəlik (1.487.400 manat) “Rolls Royce Phantom” maşınını Milas rayonundakı “Güllük” məhəlləsindəki bir tikinti ərazisində park edərək təyyarə ilə İstanbula qayıdıb.

Ertəsi gün, Əli Ağaoğlu tikintidəki mühafizəçidən gələn xəbərlə, avtomobilin siçanlar tərəfindən ziyan gördüyünü öyrənib.

Ağaoğlu, işlərini yoluna qoyduqdan sonra Milasa geri qayıdaraq avtomobilin kompressorunu və elektrik naqillərinin siçanlar tərəfindən gəmirildiyini görüb. O, “Rolls Royce”un təmir edilməsi üçün evakuator vasitəsi ilə İstanbula göndərib.

Namiq Musayev