Məşhur müğənni ailəsi ilə birgə ağır yol qəzasına düşdü - FOTOlar

Türkiyəli məşhur müğənni ailəsi ilə birgə yol qəzasına düşüb. Avtosfer.az xəbər verir ki, hadisə iyunun 24-də günorta saatlarında Manisanın Saruhanlı rayonunda qeydə alınıb. 

Məlumata görə, İstanbuldan ailəsi və uşağının dayəsi ilə birlikdə İzmir istiqamətinə gedən Alişanın (Sərkan Burak Təkdaş) idarə etdiyi 34 BAB 35 qeydiyyat nömrə nişanlı “Land Rover Discovery” markalı avtomobilin sağ təkəri qəfildən qırılıb. Təkəri yerindən çıxan “Land Rover” bir neçə dəfə çevrilib.

Nəticədə Alişan, həyat yoldaşı Busə Varol və oğulları Burak Təkdaş qəzadan yara almadan xilas olublar. Dayə isə xəsarətlər alıb.

Yaralı hadisə yerinə çağırılan ambulansla xəstəxanaya çatdırılıb. Onun səhhətinin normal olduğu bildirilib.

Polis faktla bağlı araşdırmalara başlayıb.

Namiq Musayev