Mikroavtobusla toqquşan avtomobil evin divarında asılı qaldı: 2 ölü, 3 yaralı - FOTOLAR
Avtosfer Foto 13 May 2020 15:30 Oxunub 402
Mikroavtobusla toqquşan avtomobil evin divarında asılı qaldı: 2 ölü, 3 yaralı - FOTOLAR
Hüquq-mühafizə orqanları tərəfindən araşdırmalara başlanılıb

Türkiyənin Balıkesir vilayətində mikroavtobusun və minik avtomobilinin iştirakı ilə ağır yol qəzası baş verib. Avtosfer.az yerli KİV-ə istinadən xəbər verir ki, hadisə Edremit rayonunda qeydə alınıb.

Məlumata görə, Çanakkale-İzmir avtomagistralında Rəcəb Qadir T.-nin idarə etdiyi 10 N 3867 qeydiyyat nömrə nişanlı mikroavtobus, Taner Y.-nin idarə etdiyi 34 LL 3316 qeydiyyat nömrə nişanlı minik avtomobillə toqquşub. Zərbənin təsirindən minik avtomobili 35 metrə sürüklənərək bir binanın bağçasına düşüb və evin divarında asılı qalıb. Yük maşını isə dəmir arakəsmələrə çırpılaraq aşıb.

Qəza nəticəsində mikroavtobusun sürücüsü və qadın sərnişini aldıqları xəsarətlərdən hadisə yerində vəfat ediblər. Minik avtomobilin sürücüsü və mikroavtobusdakı iki sərnişini təcili tibbi yardım briqadasının köməkliyi ilə xəstəxanaya çatdırılıblar.

Hüquq-mühafizə orqanları tərəfindən araşdırmalara başlanılıb.

 

Namiq Musayev

 

ŞƏRH YAZ
Ad

E-mail

Şərh