"Mitsubishi" dayanacaqdan sərnişin mindirən avtobusa çırpıldı: 5 nəfər xəsarət alıb - FOTO

Türkiyənin İstanbul şəhərində minik maşınının və sərnişin avtobusunun iştirakı ilə yol-nəqliyyat hadisəsi baş verib. Avtosfer.az xəbər verir ki, insident bu gün səhər saatlarında Maltəpə rayonu ərazisində qeydə alınıb.

Məlumata görə, Adnan Bayraqdaroğlunun idarə etdiyi 34 GK 7475 qeydiyyat nömrə nişanlı "Mitsubishi" markalı minik avtomobillə, dayanacaqdan sərnişin mindirən Kamil Ustaoğlunun idarə etdiyi sərnişin avtobusuna çırpılıb.

Nəticədə avtomobilin salonunda olan 6 nəfərdən 5-i xəsarətlər alıb.

Yaralılar, hadisə yerinə çağırılan ambulanslarla xəstəxanaya çatdırılıblar.

Polis qəza ilə bağlı təhqiqatlara başlayıb.

Namiq Musayev