Paytaxtda piyadalar əziyyət çəkir – Səki və keçidlər zəbt olunur - FOTO

Paytaxtda tez-tez dayanma-durma qaydalarını pozan sürücülər müşahidə edilir. Bu hall artıq adiləşib.

Avtosfer.az xəbər verir ki, belə qayda pozan sürücülər paytaxtın müxtəlif küçələrində görüntülənib.

Belə ki, Fətəli xan Xoyski küçəsində 90-ZL-525 qeydiyyat nişanlı “Toyota Prado” markalı və 90-TZ-996 nömrəli “Mercedes Benz” markalı avtomobillərin sürücüləri səkidə yan-yana parklanaraq piyadaların yolunu kəsib.

Problemlərdən biri də səki ilə yanaşı piyada keçidlərinin zəbt olunmasıdır. Bu isə ümumiyyətlə piyadaların həyatı üçün təhlükə mənbəyidir. Ağa Nemətulla küçəsində 77-PT-079 nömrəli “Faw” markalı, Azadlıq prospektində isə 77-BA-666 qeydiyyat nişanlı avtomobillərin sürücüləri piyada keçidini zəbt edərək parklanıb. Eyni qayda pozuntusuna 10-RR-067 qeydiyyat nişanlı “Range Rover” markalı avtomobilin sürücüsü də yol verib.

Yollarda çətinlik yaradan hallardan biri də hərəkət zolağında parklanan avtomobillərdir. Gülarə Qədirbəyova küçəsində 59-BX-429 nömrəli “Mercedes Benz” markalı avtomobilin sürücüsü yolun hərəkət zolağında maşınını parklayaraq rahat hərəkətə mane olub.

Qeyd edək ki, bu gün Milli Məclisdə dayanma-durma ilə bağlı tələblərin sərtləşdiriləcəyi və bu tələblərin yaxın günlərdə qəbul edəcəyi bildirilib.

Məhəbbət Tərlanoğlu