Pilləkəndə maşın park edən sürücü - FOTO

Bakıda Həzi Aslanov metrostansiyası yaxınlığında qəribə şəkildə park edilən avtomobilin fotoları sosial şəbəkələrdə paylaşılıb. Avtosfer.az xəbər verir ki, 90 CC 140 dövlət nömrə nişanlı, "Mercedes" markalı avtomobilin sürücüsü maşını düz pilləkəndə elə saxlayıb ki, gediş-gəliş üçün yolu bağlayıb.

Fotoya şərh yazan vətəndaşlar sürücüyə "bu nə yeyir görəsən", "maşının üstünə kubik atmaq lazımdır", "kapotun üstündən keçib getmək olar" kimi fikirlər bildiriblər.

Ümud edirik ki, bu ictimai qınaq sürücü üçün əhəmiyyətli olacaq və növbəti dəfə bu addıma yol verməyəcək.

Fərid