Piyadaların yolunu kəsib öz rahatlığını düşünən sürücülər də var - FOTO

Metronun "Xətai" stansiyası tərəfə yolu düşənlər yəqin bu keçidi xatırlayar. Xətai Estetik Klinikasının qarşısı, metronun arxa tərəfi, Süleyman Vəzirov küçəsi. Bu küçə digər küçə ilə kəsişdiyi kimi burada keçidlər də kəsişir. Çox vaxt da sürücülər rahat olsun deyə avtomobili keçidin üstünə atıb gedirlər. Eynən bu 10-OH-720 nömrəli “Hyundai” kimi.
Kəsişən küçədəki keçidin üstündə dayanan 90-XS-676 nömrəli “Prado”nun sahibi isə qəza işıqlarını yandıraraq harasa çıxıb gedib.

Maraqlısı budur ki, təxminən 20 metr kənarda parklama üçün boş yerlər var. Görünür, sürücülər bir neçə addım yolu piyada getməyə ya əriniblər, ya da bunu əksiklik sayırlar. 

Vüqar