Polislərin olduğu “KİA” beton sütuna çırpıldı; 1 ölü, 3 yaralı - FOTO

Rusiyanın paytaxtında polislər ağır yol qəzasına düşüblər. Avtosfer.az xəbər verir ki, hadisə mayın 26-da səhərin erkən saatlarında  Naqornom rayonunda qeydə alınıb. Bu barədə yerli DİN-nin Mətbuat Xidmətindən məlumat verilib.

Məlumata görə, 26 yaşlı polis serjantı idarə etdiyi “Kia Cerato” markalı avtomobillə hərəkətdə olarkən sükan idarəetməsini itirib. Bundan sonra idarəetmədən çıxan avtomobil yüksək sürətlə köpünün beton sütununa çırpılıb. Zərbənin şiddətindən “Kia”nın ön hissəsi deformasiyaya uğrayıb.

Qəza nəticəsində sərnişin kreslosunda əyləşən kiçik serjant aldıqları xəsarətlərdən hadisə yerində vəfat edib, sürücü və salonunda olan 2 qız sərnişin isə təcili tibbi yardım briqadasının köməkliyi ilə xəstəxanaya çatdırılıb.

Faktla bağlı araşdırmalara başlanılıb.

Namiq Musayev