Qadının sürdüyü “Fiat” uçuruma yuvarlandı: 3 nəfər öldü, 1 yaralı - FOTO

Türkiyənin Ankara şəhərində minik avtomobilinin iştirakı ilə ağır yol qəzası baş verib. Avtosfer.az yerli KİV-ə istinadən xəbər verir ki, hadisə iyulun 16-da günorta saatlarında Ayaş rayonunda qeydə alınıb.

Məlumata görə, Sivasdan Boluya gedən 47 yaşlı Gül Ərdəm, idarə etdiyi 34 NJ 8314 qeydiyyat nömrə nişanlı “Fiat” markalı minik avtomobillə, hərəkətdə olan zaman sükan idarəetməsini itirərək yoldan çıxıb və uçurma yuvarlanıb.

Qəza nəticəsində Gül Ərdəmin atası, anası və qızı aldığı xəsarətlərdən hadisə yerində vəfat ediblər. Sürücü  isə ağır vəziyyətdə xəstəxanaya yerləşdirilib.

Faktla bağlı araşdırmalara başlanılıb.

Namiq Musayev