Qaydaları pozan sürücü ağır qəzaya səbəb oldu: 4 ölü, 2 yaralı - FOTO

Rusiyanın Perm əyalətində iki minik avtomobilinin iştirakı ilə baş verən ağır yol qəzasında 4 nəfər ölüb, daha 2 nəfər isə xəsarət alıb. Avtosfer.az xəbər verir ki, insident ötən axşam saatlarında Osa-Çernuşka trasının 7-ci kilometrliyində qeydə alınıb.

Məlumata görə, 1975-ci il təvəllüdlü Ufa sakini idarə etdiyi “KİA Rio” markalı minik avtomobillə, ara məsafəsi saxlamayıb və qarşısında hərəkətdə olan yük maşını ilə qəza törətməmək üçün “ötmə qadağandır” nişanına da məhəl qoymayaraq əks yol çıxıb. Bundan sonra əks zolaqdan gələn “Lada Kalina” markalı minik avtomobili ilə toqquşub. Nəticədə zərbənin şiddətindən 3 nəfər hadisə yerində, biri isə xəstəxanada dünyasını dəyişib. Yaralılara ilkin tibbi yardım göstərildikdən sonra xəstəxanaya çatdırılıblar.

Qəzaya səbəb olan “KİA”nın sürücüsünə, “yol hərəkəti qaydalarının pozulması, ehtiyatsızlıqdan iki və ya daha çox insanın ölümünə səbəb olma” maddəsi ilə cinayət işi açılıb, o, həbs edilib.

İstintaq araşdırmaları davam etdirilir.

Namiq Musayev