Kanala düşən “Reno”dan 8 nəfərin meyiti aşkarlandı - FOTO

Rusiyanın Volqoqrad əyalətində minik avtomobilinin iştirakı ilə ağır yol qəzası baş verib. Avtosfer.az xəbər verir ki, hadisə iyulun 27-də səhər saatlarında Sredneaxtubinsk rayonu ərazisində qeydə alınıb.

Məlumata görə, 28 yaşlı sürücü idarə etdiyi “Renault Logan” markalı minik avtomobili ilə hərəkətdə olan zaman, hələlik müəyyənləşdirilməyən səbəblərdən sükan idarəetməsini itirərək su kanalına düşüb.   

Xilasedicilər avtomobili sudan çıxarıb damını kəsərək oradan 8 nəfərin cəsədini çıxarıblar.

Bildirilir ki, ölənlərin 6-sı qadın, 2-si isə kişidir.

Hazırda hüquq-mühafizə orqanları tərəfindən istintaq-əməliyyat tədbirlərinə başlanılıb.

Namiq Musayev