Qəza törədərək relsin üzərinə düşən maşına qatar çırpıldı: sürücü vəfat edib - FOTO 

Türkiyənin Aydın vilayətində qəza nəticəsində dəmir yol xəttinin üzərinə düşən avtomobili qatar vurub. Avtosfer.az yerli KİV-ə istinadən xəbər verir ki, insident Aydın-İzmir avtomagistralının Germencik rayonu ərazisindən keçən hissəsində qeydə alınıb.

Məlumata görə, 36 yaşlı Camal Bunar, idarə etdiyi 09 C 1934 qeydiyyat nömrə nişanlı minik avtomobillə, hərəkətdə olarkən sükan idarəetməsini itirib və maşın bir neçə dəfə çevrilərək yol kənarındakı dəmir yolu xəttinin üzərinə düşüb. Bu arada İzmir-Dənizli reysi ilə hərəkət edən yük  qatarı relslərin üzərindəki maşını vurub. Qatarın təxminən 50 metrə qədər sürüklədiyi avtomobilin sürücüsü açılan qapıdan yerə düşüb. Nəticədə Camal Bunar aldığı xəsarətlərdən hadisə yerində dünyasını dəyişib.

Polis faktla bağlı təhqiqatlara başlayıb.

Namiq Musayev