Qəza törədib avtomobili qarət etdilər; 3753 manat apardılar - FOTO

Türkiyənin Kayseri əyalətində qəzaya səbəb olan şəxslər, digər avtomobildən pul oğurlayaraq qaçıblar. Avtosfer.az yerli KİV-ə istinadən xəbər verir ki, hadisə Kocasinan rayonunda qeydə alınıb.

Məlumata görə, maşın satışı ilə məşğul olan O.C.İ., idarə etdiyi 38 ADE 016 qeydiyyat nişanlı “Mercedes” markalı avtomobillə hərəkətdə olarkən, nəqliyyat vasitəsinin ön sol hissəsinə, 38 KE 924 qeydiyyat nömrə nişanlı yük maşını çırpılıb.

Bundan sonra O.C.İ., avtomobilindən düşən hissələri almaq üçün yola doğru getdiyi zaman, yük maşınının sərnişin kreslosunda əyləşən şəxs, “Mercedes”in salonundan 15 min lirəni (3753 manat) oğurlayaraq sürücü ilə birlikdə yük maşınına minərək qaçıblar.

Məsələ ilə bağlı polisə məlumat verilib.

Polis qaçan şəxslərin saxlanılması istiqamətində əməliyyat-axtarış tədbirlərinə başlayıblar.

Namiq Musayev