“Renault” yük maşını ilə toqquşdu; 5 nəfər ölüb - FOTOLAR

Türkiyənin Bartın şəhərində iki nəqliyyat vasitəsinin iştirakı ilə ağır yol qəzası baş verib. Avtosfer.az yerli mediaya istinadən xəbər verir ki, hadisə dekabrın 1-də gecə saatlarında Gürgenpınar məhəlləsi liman yolunda qeydə alınıb.

Məlumata görə, 74-BC-310 nömrə nişanlı “Renault” markalı minik avtomobili sürücünün idarəetməsindən çıxaraq əks zolağa keçib və qarşıdan gələn "Ford" markalı yük maşını ilə toqquşub.

Zərbənin şiddətindən “Renault” yük avtomobilinin altına girərək deformasiyaya uğrayıb.

Qəza nəticəsində minik avtomobilində olan 5 nəfər - sürücü Özgür Çomak (22), sərnişinləri Koray Uğuz, Rəhmi Can Odabaş, Berkay Kaya və Murat Can Körükçü (23) ölüblər.

Yük maşının sürücüsü Ümit K. isə nəzarətə altına alınıb.

Qəza ilə bağlı araşdırmalara başlanılıb.

Namiq Musayev