Rusiyada dəhşətli yol qəzası: 6 ölü, 1 yaralı – FOTO + VİDEOLAR

Rusiyanın Tambov əyalətində iki nəqliyyat vasitəsinin iştirakı ilə ağır yol-nəqliyyat hadisəsi baş verib. Avtosfer.az xəbər verir ki, insident fevralın 14-də səhər saatlarında P-22 “Kaspi” avtomagistralının 499-cu kilometrliyində qeydə alınıb. Bu barədə DİN-nin region üzrə idarəsindən məlumat verilib.

Məlumata görə, “Qazel” markalı mikroavtobus qarşı yoldan gələn yük maşını ilə toqquşub. Zərbənin şiddətindən “Qazel” yanıb və hər iki maşın  deformasiyaya uğrayıb.

Nəticədə mikroavtobusda olan 6 nəfər hadisə yerində dünyasını dəyişib, yük maşınının sürücüsü isə müxtəlif dərəcəli bədən xəsarətləri ilə xəstəxanaya çatdırılıb.

İlkin məlumata görə, qəzaya “Qazel” sürücüsünün yol hərəkəti qaydalarını kobud şəkildə pozması səbəb olub.

Hüquq-mühafizə orqanları tərəfindən hadisənin baş vermə səbəbləri araşdırılır.

Namiq Musayev